食飯都開始變成一場場戰爭, 早幾日我地焗牛排同食potato, 佢一聞到d味就係咁叫, 仲幾次作勢要跳上黎枱. 我同leo爸爸一邊食要一邊啤住佢, 啖啖都食得好擔心, 都唔知d野係咩味.... 再係咁我擔心地兩個對眼會變成斜視...
後來食完飯, 張枱得返兩杯水, 我同leo爸爸就各有各忙. 點知隻八掛婆死心不息, 係都要跳一跳上去睇下仲有冇野食剩.... 一跳之下, "善"腳, 就咁就連貓帶杯一齊"善"左落地, geebu即刻跳上安樂椅避一避, 我地兩個呆左兩秒, leo爸爸唯手落低手上既野, 清潔地板.... 我就捉住呢隻八掛婆, 教訓一番. 佢好似知衰咁, 冇掙扎, 但係就不繼逃避我既眼光, 死都唔望我, 仲係咁"wherra" "wherra"叫. 跟住我問佢 "geebu, 仲知唔知錯?" 佢就dup低個頭, 細細聲 "哼"左一聲. 好啦, 今次就算啦.
----------------------------------------------------------------------------------------------
呢一晚, 我地仲一齊幫geebu剪指甲, 佢當然唔多鐘意啦. 不過都俾我地完成晒, 只係一邊剪一邊"哼... 哼... 哼"咁叫, 好似好慘咁.... 剪完後冇乜心機...
No comments:
Post a Comment