Geebu的神奇"long long"

之前帶geebu去dr. maggie度打針時, 順道買多一條long long頸圈俾geebu... bujil黎之前geebu係有條long long頸圈既, 不過bujil黎左後, 我地就將geebu o個條俾左bujil用, 因為bujil成日想偷走出去, 帶返條long long好d.

我地一路都覺得geebu係唔鍾意long long頸圈, 但係尋日幫佢戴上條新頸圈後, geebu就唔同晒!!!

佢好似叮一聲咁, 成隻貓精神晒, 又主動, 又唔驚bujil!!

你睇佢個樣幾招"即"!!

好似陰陰咀笑咁...

就算bujil嗲daddy痴身痴世時, geebu都夠胆坐近!! (平時好少架)

bujil又好似好識撈咁, 冇成日攪住geebu...

神奇呀.... 我同daddy都咄咄稱奇!! 我o係度諗, 唔通geebu一直都為左我地俾左佢條long long頸圈俾bujil而唔開心... 冇左條頸圈就好似冇左個身份咁??