Geebu 勇救 Bujil!!

之前講過, geebu好錫bujil... bujil一叫, 佢就會衝過去搵佢... 就好似以下片段咁:



geebu又會幫bujil求情架喎...



但係好多時, bujil都會恩將仇報...

Geebu Bujil 近況 (bujil黎左就黎一個月喇!)

Bujil己經非常習慣呢個新家, Geebu本來對佢有少少戒心, 但隨著日子過去, 佢地都friend左d. 不過Bujil既性格非常爛玩, 亦好鍾意挑戰姐姐, 所以打黎打去既時間比食飯,訓覺,屙臭臭或任何活動都要多.

Geebu其實幾錫bujil架, 有時會主動走過去lick佢毛. (不過好多時都會演變成打交. 睇過好多貓友既經驗, 其實佢地打黎打去係情趣黎既, 總之唔好見紅就得架喇... ) 有時bujil太頑皮, 我地困佢o係厠所, bujil會不斷慘叫, geebu又會9秒9咁衝過去陪佢. 我帶bujil去打針, 拎起貓袋起行時, geebu又追住個貓袋到門口. 呢個姐姐真係唔話得呀..

一齊生活左一排, 都睇到佢地性格好唔同:

Geebu比較自我, 佢好鍾意人錫又鍾意人陪, 不過一定要係佢要求既方式, 即係佢o係安樂椅度踏奶奶時我地要摸佢背脊. geebu好細膽, 唔係好安全既話佢寧願走開睇定d先 (所以見住bujil係咁食佢d野佢只會行開, 我都唔知佢係讓佢既怕左佢)... 自從bujil黎左後, geebu好似嗲左d, 起碼daddy抱佢既時候佢冇咁反抗(有相為証). geebu都好乖架, 帶佢出街打針見dr. maggie, 佢都好定俾人檢查, 護士姐姐都讚佢乖女架.

從前死命唔俾daddy抱抱
Geebu:"放開我呀!! daddy快d放開我!! 我要落地!!!"



而家不抱不抱還需抱
Geebu:"一陣好喇... "


Bujil就好唔怕醜, 係人都o岩. 只要有對大脾就得架喇. 但係佢有一個壞習慣, 就係好鍾意咬人. 彈佢耳仔, 打佢pat pat, 佢仲咕嚕咕嚕得大聲d. 最愛自由, 初初困籠o個幾日我地三個幾乎俾佢迫瘋, 日叫夜叫, 好在geebu走過去"空"佢幾下, 佢先肯收聲一陣. 帶佢出街就慘喇, 一入袋就發狂咁叫, o係vet度抱佢出黎, 佢就好似大爺咁坐左o係度, 一d都唔驚, 不過dr. maggie就佢打針時真係攪到差d針斷咁滯. 不過由於佢個樣太攪笑, 我地都嬲佢唔落, 出親街大家都忍唔住要走黎睇下佢. dr. maggie見到佢個樣都忍唔住笑佢, 仲話有個web site叫 "CatsLookLikeHitler.com", 我搵到個website要放出黎同大家分享下. bujil有樣好可愛既地方就係, 佢心情好又唔咬人時, 抱住佢同佢講野呢, 佢會伸對手仔輕拍我個面, 我個nose, 跟住好細細聲咁"丫"... 好得意架.

智慧方面:

geebu係好西利架!! 好多時我地以為次次都係bujil撩交打, 但係geebu都成日o係我地唔為意時, 走過去打bujil架. 我地發見, geebu次次都會望下我地先, 如果我地做緊其他野冇望住佢地, 佢就會走過去打bujil個頭. bujil成日玩電線, 話極佢都唔聽, 尋日佢又係咁, 我大叫佢, 佢又當耳邊風, 跟住就見到geebu一見到佢再玩電線就衝過去打佢, bujil就唔再玩喇, yeah! 所以我地都覺得geebu係比較聰明架.

自從bujil黎左後, geebu冇以前咁悶. 雖然成日打交, 但係我諗geebu都係開心既. 而家放工返屋企geebu唔會好似以前好淒涼咁大叫lu, bujil就會坐定定o係門邊迎接我地, geebu就一時時啦. 不過有佢地兩個, 真係有生氣左好多呀!

和平既時候.... (嘩... 張床好亂呀..)


幾溫馨喎...


睇咩呢?


geebu:"好機會!!!"


geebu:"咬死你隻癲雞乸!"


下星期geebu媽媽會去旅行, 返黎再update大家啦!