星期六下午, daddy同媽咪拖住疲倦既身軀返南丫島(因為星期五daddy 同媽咪各有野忙左一整日, 冇返島上訓). 一路上樓梯一路聽到d水聲... 已經有少少奇怪, 行到門口....
點解d水聲o係我地屋企入面傳出架!!!! 大鑊!!!一開門, 太恐怖喇!!!! 眼前: 廚房個水龍頭開住, 望左: cd/dvd/vcd/雜誌報紙一地都係, 右邊: 仲有d臭味, 一望之下.... 點解地毯有篤屎架!!!!!!, 入toilet睇下, 個貓廁所出面仲有一篤, 仲有尿tim!!!! 丫!!!!!!!!!!!!!!!!!!!!!!!!!!
總之我地就攪左成個幾鐘先收拾好d野. 事後, 疑犯二人, 經查證後, 事發經過大約係咁:
1. 於貓厠所內, 疑犯二號geebu, o係頭號疑犯bujil平時既屙屎位屙左一大篤屎.
2. 頭號疑犯bujil發現大怒, 展開報復, o係貓厠門外大屙特屙, 又屎又尿, 等大家一拍兩散.
3. 點知geebu又唔急, bujil又再急屎, 只好o係人厠所門外既地毯解決.
4. 由於報復行動失敗, bujil"火羅"爆, 老羞成怒, 開始追住疑犯二號geebu黎打.
5. geebu由於身輕如燕, 逃走極快, 但係有"坦克車"之稱既bujil就沿途掃冧晒cd/vcd/dvd/雜誌報紙.
6. 大戰過後, 大家倦極入睡, 又一happy day.
7. daddy mammi返黎, 發現, 大叫.
8. 己經倦到死既daddy mammi, 一面死灰.
remark: 至於點解個水龍頭會開左, 大家暫時入住bujil數先. 因為佢最鍾意o係o個個位攪攪震. 黎緊既水費... 大家不妨估下, 收到水費單後我會上黎公佈, 答中會得到該水費單乙張.
現警方懸紅如下, 請大家幫手捉拿疑犯二貓.
Bujil, 外號有肥雞, 肥野, 大籮柚. 外表兇殘, 內裡蠢蛋.
Geebu, 外號有刁蠻精, 野蠻婆, 潑婦. 特徵係時常裝可愛引你埋去, 到你埋去佢又嫌你煩住佢咁.
