扮痴扮傻, 勿絲佛陀

事情經過....

bujil俾geebu激到嬲爆, "空"緊geebu, 準備大戰....

對峙中... geebu突出一招 - "扮痴扮傻"
就係咁, bujil就俾佢攪到莫明奇妙... 仲好似唔記得左自己係要打交架囉

geebu都曾經出過呢d怪招, 事件可見: http://geebu.blogspot.com/2007/02/blog-post_23.html

我地目擊事發既經過:

爭位記

上個weekend, 我地執個書櫃, 兩個baby勁開心. 因為執走左d野佢地就有位"捐"入去玩...

bujil:"呢個lone好正呀.... "
geebu:"唉... 遲左一步tim.... 個靚位冇左..."

geebu:"喂, 你咁肥會坐爛個紙盒架"
bujil:"就算個紙盒俾我坐到扁左我都唔會俾你坐"

bujil & geebu:"mami, 你睇下佢幾衰丫!!!"

mami:"再嘈我就填左呢個書櫃lone等你地冇得'捐'入黎玩"

bujil (小聲):"最衰都係你呀"
geebu(碎碎唸):"你坐扁左個盒就知味道"

geebu講個故仔你聽...

geebu:"好多人都有試過半夜驚醒發生一d怪事.... 而我既經歷就係咁既....
有一晚, 我o係梳化訓著左.... 訓到半夜我醒左... 跟住我就見到...."

一對發光既眼!!!!!!!!!!!!!!!!!

..........


呢對發光既眼....
仲望實棵樹!!!

我望埋去, 就見到一隻生物, 佢好認真咁望實棵樹...
情況維持左5分鐘, 呢隻生物, 乜都冇做, 就只係好堅定咁望...

跟住佢仲望過黎呀!!!!


我好驚, 跟住就扮訓覺.... 就係咁, 就訓返喇. (完)

愛嗅"格肋底"的貓

今日洗衫時, bujil突然出現, 仲係咁聞daddy件底衫既"格肋底"位置. 跟住就好似high左野咁, 好開心, 仲不斷攬件衫埋個面度....

鴨波&熊貓波到訪

上週末, 阿e們到訪, 人氣高企既鴨波&熊貓波都一齊黎呀..

原來好多人都識鴨波架喎.... 鴨波好勁呀!!!

geebu對呢兩位波波朋友非常好奇

佢仲從不同既角度去認識佢地(或者係襲擊佢地)

從後突擊!

或者click 呢度

同bujil一齊包抄!!!

盈菇阿e非常擔心. 鴨波係佢既命根呢.....

最後geebu都提唔起勇氣認識佢(襲擊佢)...

geebu返返自己張床仔度, 但係好不安咁坐著...

最後盈菇阿e要將波波們安置o係geebu既視線範圍之外, geebu先安心訓覺

(我們的)新玩具

我地既新玩具就係...
雷諾貓....(Renault Cat)

bujil咁肥都入到去仲要咁多位淨, 架車的確係幾大架!! 仲好好玩tim.
bujil:"e!!!! 你就係雷諾仔?! 聽聞你走得好快架喎. 但係我唔驚你架, 我實快過你."
雷諾仔:"......................"
實況係, bujil出到黎驚阿雷諾仔驚到飛起, 驚到郁到唔敢郁.

但係阿姐geebu反而驚都未驚過. 仲主動走埋去打招呼!!!
geebu:"喂, 雷諾仔, 一齊影張相啦!"
雷諾仔:"................"

geebu:"一齊扮cute, 一齊yeah咁丫, yeah!!!"
雷諾仔:".........................................."

新床仔

早一兩個禮拜返肥美度, o係樓下鋪頭見到呢張勁舒服既床仔, 一摸上手直情我都想訓上去呀.... 務住買左返去冇人用既危險, $260博一博!!!

洗乾淨, 初初geebu bujil都唔想企上去... 可能因為太軟喇... 我諗住大鑊啦今次....

好彩, 識貨既geebu小姐, 慢慢就發現呢張床仔既魅力....
geebu小姐自此愛上床仔, 一日有7,8成時間都o係床仔上...
bujil就得到張安樂椅, 大家happy!!

其實張床好大架, 加埋bujil入去訓都得.... 不過佢地兩隻又點會一齊訓呢....

佢真係好鍾意張床架.... 你睇...

眯眯眼, 眯眯笑

窩心的geebu

geebu心諗:"媽咪返工冇野玩好悶架bo, 等我諗下辦法先..."

...............
..........
.....
...
..
.

就係咁... 好多時我o係公司打開個袋, 都會有d surprise...

比如...

袋中呢個係咩黎架呢?

近少少睇真d....

仲唔知?

呢個係geebu好喜愛好喜愛既.... 紙波波....

佢經常都將佢好鍾意玩既玩具, 放入我d返工袋度...

o係公司打開袋...會發現..
紙波波..
有時係綠色o個d垃圾袋"鐵饍"
有時係橡筋....