書僮bujil

bujil:"mami, 你睇緊乜野呀, 我陪你睇丫.."
mami:"我學緊點樣同人鬧交"

bujil:"咁等我同你一齊學啦, 因為我都成日要鬧交架"

bujil:"你地都一齊黎學啦"

好姐妹

雖然佢地日日打交, 但係經過年半有多既困獸鬥後, 佢地已經變成好姐妹喇!

仲成日做埋d好似, 甚至係一樣既post... (但係永遠都有d野隔住o係中間)

geebu坐住o個個係我為佢而造既 -- 城堡

係都要有條柱o係中間....

係都要有舊被o係中間

仲要一樣既post, 手腳擺位都一樣... 兩隻傻婆

又到聖誕大破壞

好多朋友們對上一篇o個張 "哥c拉化身"既geebu相好有興趣. 其實正如上篇geebu所說, 仲有少少下文既..

就o係聖誕樹重光既第二天, 一早起身, 我就見到...

"哥c拉"再襲聖誕樹!!!! o個對邪惡既眼睛又再出現!!!

geebu:"大家都未起身, yeah!!!!"

mami唱:".....我努力興建"
geebu唱:"我盡情破壞...."
mami + geebu唱:"彼此也在捱...."

我大叫:"喂! geebu, no!"
哥c拉geebu就樣衰衰頭茸茸咁離開, 口中喃喃自語..

geebu(小聲地):"o車好叻咩... 一陣再玩過"

又到聖誕!!!

尋晚終於的起心肝粉飾下屋企... 上年都冇拎棵聖誕樹出黎.

唔洗問, 有d人當然會攪攪震啦...
bujil:"嘩... 呢個咩黎架, fing fing下既?"
geebu:"d... 呢d草....唔錯喎"

但係攪得最high既就係呢位小姐. 佢high到我用連環快拍都影唔到幾張清楚既相.


佢直情係收唔到制... 好似想食左棵樹落肚咁. 叫佢都聽唔到.
mami, daddy:"geebu, no呀"
geebu:"嘩!!!!!!!!!!!!!!!!!!!!!!!!!!!!!! 咬呀!!!! 我要隊草呀"


bujil(神氣地):"阿姐你咁就唔乖啦. 我都冇玩喇"
geebu(唔順氣地):"唔玩咪唔玩囉 (心諗:聽日再玩過)"

feel so bad...

bujil:"oh..... i feel soooooo bad...."

Bujil:"So.... bad.... 因為爭輸左個龍位.... 俾阿姐訓左.... daddy mami o係度睇住又唔可以發難用牙咬佢"

bujil:"仲要訓得好舒服咁... 我唔甘心!!!!"

(雙眼無focus地繼續唱...)
bujil:"i feel sooooooo bad...."


媽咪按一: Bujil有時d表情同動作, 真係好難相信佢係一隻貓. 我地有時同佢做d簡單既狗隻訓練, 佢係真係做到架喎... 唔通小時候同狗生活過, 真係有咁大影響???

按二: 張安樂椅係佢地兩小鬼爭爆頭既物件之一. 好多時佢地都會輪住黎訓, 真係好似take turn咁... 我o係梳化度用三個cushion做左個cushion城堡俾佢地做second choice, geebu如果爭輸左就會訓個城堡.

難得嬌嗲

bujil係好可愛又好嗲, 但係要影到佢好嬌嗲既樣係好難... 首先我地多數都影唔到佢對眼. 白天會易影到對眼但係佢既瞳孔又會收縮到好細, 令到佢個樣... 一係好古惑, 一係好惡, 或者好陰濕.... 晚上呢... 我地呢部唔係單鏡反光機... 只係cheap cheap既dc... 所以多數都影唔到..

難得尋晚佢o係我個肚度做左個好鬼嗲既post屎, 雖然隻眼都唔係好清楚, 起碼睇到少少丫....

小小可愛既geebu

難得geebu俾人抱都冇俾個做足100分既屎面樣, 仲要碌大隻眼懶cute咁喎, 梗係要影低啦...

geebu的美態

geebu小姐, 天生麗質, 隨便唔郁都已經係靚post.

眼仔好似波子咁大咁閃.

晚上的geebu, 一樣咁靚架.


話咁快geebu小姐已經係兩歲多既成貓. 但係佢老是長不大既身形, 成日令人以為佢仲係bb.
可以話係貓貓中既"天山童姥".

阿e們投訴我淨係update bujil既野... 但係你地有所不知喇... geebu小姐越大越唔鐘意影相. 佢只要一聽到我拎個相機出黎, 就會停晒手上既事情... 仲會走開lay埋...
呢幾張係咁o岩阿姐心情大好先至影到.

"鈕"抱抱..

天氣轉涼, 有人就不顧一切咁取暖...

總之你坐o係sofa, 佢都會令停晒手上既工作, 俾個肚佢..

bujil:"oh yeah, 好暖" (投入地)

得戚樣...

"籃"到實一實.

但係有d人就勁唔鐘意o係別人的懷中. 抱一陣都屎晒面.

Bujil肥肥肥小朋友

我唔知到底我地去旅行時, 兩位阿e們係點樣照顧佢地... 我淨係知道, 返到黎香港, 兩隻都肥晒.

geebu肥d還好... bujil呢....

係肥到好似個小朋友咁..

你睇下佢坐o係我個脾度. 係成個細路仔咁既size.

呢個成坐笑佛咁既bujil, 仲好自在咁清潔. 鏡頭下... 佢隻肥手好似有我隻手腕咁粗.

bird view. 我個脾係俾佢cover左98%

bujil的保護罩

有時bujil唔夠geebu打, 佢就會"lay"入呢張膠椅仔入面..

就係咁...

佢好似以為o係入面就會隱形咁. 會突然變得好自在. geebe見佢"捐"左入去, 又會停止打佢架bo... 似乎呢個係佢地兩個都agree既安全島.

阿e又黎做褓姆

geebu:"喂, 肥. daddy mami又出去玩喇... !!!!"

bujil:"咁我地點算呀... 好worry喎"

geebu:"梗係唔係啦, 阿e會黎陪我地架嘛, 而且阿e佢地兩個咁好恰, 多兩個工人不知幾好"

bujil:"係喎... 嘿嘿嘿嘿...."