音樂細胞..

星期五, 我同daddy訂左既結他同數碼鋼琴拎得喇.... 由於我地住既地點特殊, 兩大舊野係我地一手一腳"抬"返黎既...

星期六, daddy成個下晝都o係度彈結他唱下歌... bujil就多角度咁欣賞...

首先係coffee table...

bujil:"嗯嗯... "

跟住就近距離收聽...

bujil:"嗯.... 呢度清d"

聽聽下... bujil又再多角度嘗試...

而另一fan屎又出現左喎...

下午tea一tea

有一個星期天, daddy & mami set好晒野食下午茶... 有pita bread搽鵝肝加coffee, 仲有上次o係法國買返黎d朱朱力(都擺左成年囉....). 我正準備影張靚相後就開動!

點知..

一個來歷不明既頭出現左...

geebu:"喂, 上面係咪有正野呀"
bujil:"係呀, 好似係罐罐呀!!"

bujil:"daddy mami兩個偷偷地食罐罐!!!!"
geebu:"快d落黎到我上去呀!!!"


最後好不容易先趕走左小鬼們, 但係一路食佢地一路嘈....

新玩具!

最近訂糧同貓貓砂時, o係web度睇到呢個雪糕筒.... 忍唔住買左返黎....
o係碼頭收貨時, 4包砂加一包7.5kg既糧已經唔少野, 但係加埋呢個成兩尺幾高既雪糕筒, daddy當場眉頭一"奏" (frown). 慢慢地道出:"點解會多左呢舊野...."
媽咪:"ohh.... 好輕之麻, 我拎"
daddy沒好氣:"但係d玩具買返去佢地都唔玩"
媽咪:"呢個佢地會玩架"

就係咁, 我地兩個"姑lay"就拖住成個人咁重既野返屋企(其實都係daddy拖... 我就拎住呢個雪糕筒)

返到屋企, baby們現到成座山咁多野, 有少少驚, 對個雪糕筒都冇乜點理, 我心諗"大鑊!! 今次又敗家"

第二朝, daddy一早出左門, 我起身時見到geebu好興奮咁玩緊個筒, 即刻拎相機拍啦, 點知隻衰女好似知道咁, 一見到相機就停手...好似上圖咁唔郁....

我係咁叫, geebu你玩啦, 我要影俾你daddy睇架. (心諗: 咁下次就大條理由再買多d.... heee)
但係佢唔理我...


跟住bujil加入, 但係佢唔夠high呀, daddy唔會當佢地玩架....