GeeBu今日終於到左喇. 我地兩點幾o係steven度帶佢出黎既時候佢都係咁喵, 落到電車站仲喵得淒厲, 仲震晒咁, 可能因為太嘈. 後來我地就改搭小巴, GeeBu就靜返dd喇. 跟住去到中環買貓砂同罐頭, 到返到屋企佢都一路冇叫lu....返到黎, 太約5點半, 冇即刻放佢出黎, 我地仲要執返間屋, 執走晒d佢可能會攪到或者打爛既野. GeeBu就好好奇咁係咁望實我地, 點知執執下俾佢見到個貓貓雞毛掃, 佢就係咁叫要出黎...
一切辦妥後, 貓袋既大門打開, GeeBu小心地逐步探索, 鬼鬼崇崇咁周屋"捐". 不消一會就找到一個角躲進去. 但由於那裡太多電線, 我倆夾手夾腳趕牠出來, 並封鎖該區!!!
15分鐘後, GeeBu繼續四周探, 明顯大胆了, 仲玩落地窗簾玩得起勁!! 原本那個食物dull dull只有乾糧, 見牠成8個鐘都未食野, 便加了點濕糧入去, 一放低, 隻為食貓竟然係咁唔停食, 激死!!! 哼, 一次咁多, 我地唔會縱壞妳架!! 食飽飽, 又飲點水, GeeBu就好醒咁去厠所, 完成左第一篤"sh--sh"呀!!! 個心都安落d....
到9點幾, 見佢都越黎越"help herself", 我地就坐o係sofa睇dvd, 費時佢覺得我地昅實佢. 點知佢見我地坐得咁舒服, 又跳埋上黎, 仲大模施樣咁霸左個cusion, 訓起上黎!!!!
睇完戲, 佢又起左身, leo爸爸同佢玩左一陣, 我手癢"o連"左個紙波波俾佢, 佢竟然又玩左個幾兩個鐘. 仲教佢"sit" tim, 睇佢好似知知地咁, 好, 慢慢再教妳先!! 佢仲成日都跟住leo爸爸, 見唔到佢仲企晒起身裝佢!!! (下圖)
後來leo爸爸要訓lu, 我就o係sofa陪佢訓左陣, 到佢訓著左, 就靜靜雞走返入房訓...
第一日報導完畢!
