Geebu's portrait

好開心呀, 今日阿e畫左幅portrait俾我. 大家話我係咪好有氣質呢.

阿e的blog: http://www.xanga.com/ying_goo

Geebu打第二支針

二月十二日, 我帶左geebu去打第二針. 因為geebu之前睇開dr. maggie而大家都話佢幾好, 咁就帶返geebu出中環睇dr. maggie喇.

一入去, 嘩, 有兩隻好大好肥既貓呀!!!! 肥到佢丫!!! geebu就一路搭船搭車都表現ok. 我同個的士司機傾養動物心得時geebu仲係咁插咀tim.

黎到貓醫院, 我坐低等既時候jaghund哥哥都黎到喇! 佢同佢女朋友都好掛住geebu呀, 跟住仲同geebu影左d相同抱左佢一陣. geebu o係貓醫院有d驚同震, 但係佢係任得jaghund哥哥抱抱, 好羡慕呀, 嗚, 佢都唔俾我抱o既.....

睇dr. maggie既時候, 問左好多問題, 由於以前未養過貓, 樣樣都好緊張咁... 見到佢耳仔有少少黑點又驚佢有耳蟲, 佢玩到d塵整到打噴嚏又驚佢冷親, 總之少少野就驚一餐... 問清楚之後就知道原來係無事既... hee

跟住出到黎, leo爸爸已經到左, 我地同jaghund哥哥傾左一陣, 就返屋企lu...

返到去, geebu好似有少少累, 訓左成晚..

geebu阿e 黎喇!!!

二月十二日, 星期日. geebu屋企好不熱鬧! 先係leo爸爸既中學同學& gf黎探leo 爸爸, 跟住geebu阿e黎探佢呀, 夜晚leo爸爸既緊細路仲睇過夜tim!!! 好多人同geebu玩呀!

geebu:"{popopoppppl::o:l:oo:oo::oo:o:::o::o:o::ool.............. ...唔.....媽咪, 今次唔俾妳寫.... 走開呀... 妳去玩波波啦..."
媽咪:"好叻咩... 我去睇書.. "

好野, 今次到我喇... . 今日好多人黎左屋企呀... d哥哥姐姐一見到我就要同我玩, 我好醒呀, 一d都冇驚. 仲第一時間"hi"晒佢地d腳... 幾歹都霸左佢地對腳先... heehee... "呢個哥哥係我既, 佢女朋友都係我既, 阿e都係..." (狂hi人地對腳同腳指)

我尋日打完針呀, jaghund哥哥都黎睇我, 我都好掛住佢呀, 佢仲抱我tim呀... 媽咪成日話我唔鐘意俾人抱, 哼, 我淨係鐘意俾jaghund哥哥抱呀... 吹咩... (媽咪按: 任性婆!!!)










今日已經精神返好多喇, 阿e同我玩左好耐呀, 玩到攰攰地... 跳上佢大脾度抖下, 好開心呀. 我話俾你地知丫, 我而家唔敢訓媽咪大脾呀, 因為上次一訓佢就同daddy清潔我對耳仔, eeeeeeee, 黑人憎.... 攪到我喊晒 (媽咪按: 最多下次清潔完俾返d snack係食下喇...) (geebu: 咁又唔同...)



跟住呢, william 哥哥夜晚黎左喎, 佢又同我玩左一陣呀, 最開心就係, 佢地今日俾左個垃圾紙袋我玩呀, 個袋好大, 我仲咬個紙波波入去, 再捉返佢出黎, 丫吔, 仲可以成隻捐晒入去lay埋tim!!!! 我就話媽咪囉, 傻既, 玩具洗乜要錢買唧, 廿幾蚊買個鈴鈴波, 一陣膠咪咁, eeeeeee..... 都唔想行埋去呀 (媽咪按: 衰女, 俾個良心你當狗肺)

今日william哥哥o係度訓, 我唔敢訓安樂椅呀, 話晒人地女仔黎嘛, 仲要孤男寡女o係個廰度, 人地怕羞架.... 所以咪走左上書櫃訓囉, 點知因禍得褔, 我搵到個好位, 又舒服又冇人睇到我, 但係我就睇到晒你地, heee, 呢度係我架喇. (媽咪按: 唓, 妳肚餓o個時我又lay埋囉, 好叻咩)

打爛玻璃杯!

geebu黎左一兩日已經幾習慣新屋企, 每一日佢都似乎要向屋企既尺度挑戰, 越叫唔好佢就越鐘意試. 上次我坐o係度食yogurt, 佢對眼好似發光咁係咁盯到實, 之後仲想跳上我隻手度搶食!!! 攪到我走都走唔切....

食飯都開始變成一場場戰爭, 早幾日我地焗牛排同食potato, 佢一聞到d味就係咁叫, 仲幾次作勢要跳上黎枱. 我同leo爸爸一邊食要一邊啤住佢, 啖啖都食得好擔心, 都唔知d野係咩味.... 再係咁我擔心地兩個對眼會變成斜視...

後來食完飯, 張枱得返兩杯水, 我同leo爸爸就各有各忙. 點知隻八掛婆死心不息, 係都要跳一跳上去睇下仲有冇野食剩.... 一跳之下, "善"腳, 就咁就連貓帶杯一齊"善"左落地, geebu即刻跳上安樂椅避一避, 我地兩個呆左兩秒, leo爸爸唯手落低手上既野, 清潔地板.... 我就捉住呢隻八掛婆, 教訓一番. 佢好似知衰咁, 冇掙扎, 但係就不繼逃避我既眼光, 死都唔望我, 仲係咁"wherra" "wherra"叫. 跟住我問佢 "geebu, 仲知唔知錯?" 佢就dup低個頭, 細細聲 "哼"左一聲. 好啦, 今次就算啦.

----------------------------------------------------------------------------------------------
呢一晚, 我地仲一齊幫geebu剪指甲, 佢當然唔多鐘意啦. 不過都俾我地完成晒, 只係一邊剪一邊"哼... 哼... 哼"咁叫, 好似好慘咁.... 剪完後冇乜心機...

第五天 - 有朋友探geebu呀!

今日, edgar黎睇geebu呀. geebu表現都ok. edgar同geebu 係咁玩, 玩到好癲呀, 又跳又彈又飛又反肚咁, 攪到我有d擔心啦. 咁細隻貓仔整親就慘喇...

不過令我幾開心就係geebu唔係好怕陌生人, edgar搵支雞毛掃fling兩下佢就即刻又叫又跳咁.



geebu仲表演左佢幾拿手既sit tim呀!











玩到5點半, 我就同edgar出返中環lu. 因為o個晚我同leo爸爸去睇concert. 一路睇一路掛住geebu. 一睇完就飛的返碼頭喇. 落船後就即刻"標"返屋企. 掛死人咩!!!

第四天 (feb 2, 2006)

"喵"
"wheow"
"wheeeeeeeeeeoooooooooooooooooow"
"嘟嘟嘟嘟... 嘟嘟嘟嘟.... 嘟嘟嘟嘟.... "

GeeBu同鬧鐘一樣咁準時bo...

於時, leo爸爸起左身喇!! GeeBu似乎有d訴求喎....
"wheoaaaaaaaaaa!!! wheoaaaaaaaaaa!!! wheoaaaaaaaaaa!!!"

餵左d野食俾佢, 佢都繼續嘈喎.....

原來佢屙左好多屎, 要人幫佢執.... (好彩我仲訓緊.... 呵呵呵呵....)

leo爸爸返工後, 我訓到11點, 起身出到黎又睇到GeeBu, 叫下佢, 佢又叫返我, 呢一日又開始喇.

梳洗後, 我好俾心機咁寫緊個blog, GeeBu又走黎走去, 又要寫埋一份, 一陣又係咁攪個mouse, 跟住又跳上我大脾度"戀"左陣.

兩點鐘, 好!!! 寫完早兩日既野喇, 要做好重要既事!!! 清潔屋企!!!

我其實都幾驚GeeBu會俾吸塵器嚇親, 結果一開機, 佢即刻跳左上書櫃!! 雖然係驚, 依然幾歹都八下先. 所以好驚都要伸個頭望下發生左咩事!!! (你見唔見到GeeBu lay o係邊呢?)

下面係答案.....

結果佢係驚到我吸完塵, 拖埋地, 個地下乾埋, 佢先走返出黎. 出到黎又例牌八八掛掛咁, 巡邏左一圈. 我就繼續抺野, 佢就跟住我, 抺到邊聞到邊...

一做就做到5點, 終於可以坐低"抖"下.... GeeBu又走上sofa, 訓起上黎. 我見佢好得意, 忍唔住訓埋o係度攬住佢, 佢隻手仔又搭住我隻手, 大家就咁訓著左....

訓到6點幾, 好凍呀, d風吹晒入黎, 我凍醒左, 幫GeeBu 蓋個被, 沖個涼, 就落左去同leo爸爸食晚飯.

返到黎, leo爸爸又同GeeBu玩左一陣. 我地開始分到佢唔同既叫聲喇, 如果GeeBu想食野或者要人清佢d屎屎, 佢會"wheaoooooo"咁叫, 但係如果佢悶, 或者做左d好傻仔既事(例如行路唔帶眼撞到,或者係咁搵個紙波波, 但係其實只係o係佢腳邊), 又或者要你陪佢玩, 佢就會好似bb咁叫, 一聽到個心就溶晒喇....

(leo爸爸o係GeeBu 打咕嚕既時候"初"佢)

第三日 - "sit sit" day

呢個星期我請左三日假, 一黎要清假, 同埋想搵幾日陪下GeeBu, 同埋教下佢...

尋日leo爸爸走左之後, 就得返我同GeeBu兩個, 如果以前得我一個, 肯定訓到冇2點都1點... 但係而家GeeBu o係度, 見到佢八八掛掛咁走黎走去, 又想陪下佢(或者係佢陪下我...)... 跟住就半訓半醒咁坐左o係個安樂椅度休息... 坐坐下隻GeeBu就跳左上黎大脾, 跟住又踏下踏下咁(好在今次冇放屁...), 我就摸下佢下巴, 佢又好enjoy咁打咕嚕(佢o個d係好似snoring咁... 同樓梯肥貓貓好唔同, 可能係大貓小貓既分別掛..).然後佢就訓著左....

我就係咁幫佢影相同拍video. 其實呢幾日都拍左好多video, 不過呢度好似upload唔到video咁... 遲d搵返個video gallery就放晒上去!

訓著左既GeeBu好得意呀, 我睇住佢訓, 又係咁"初"佢個面, 不知不覺就坐到11點... (我8點起身連水都冇飲過呀). 由於約左人o係中環食lunch, 唯有忍心d留低GeeBu 看屋.

食完飯, 又約左個貓痴舊同事飲coffee, 又交換左少少養貓心得, 跟住我就去銅鑼灣搵貓糧同貓屎鏟.
o係cwb行左兩間鋪, 發覺都係petline抵dd, 買左GeeBu既貓糧, 貓鏟, 仲有一個鈴鈴波同cat snack (要黎訓練佢用). 本來唔諗住買玩具俾佢架, 但係個紙波波佢好似玩左一晚後就厭左(後來發現唔係... 今次"晒"左錢), 咪買d新野俾佢玩下囉...

返到屋企, 整野食啦, 點知返到去發現GeeBu仲係好愛佢既爛紙波波... 對我買返黎既鈴鈴波就不揪不睬, 丫...... 我唔買喇下次....
GeeBu一路係咁玩佢個紙波波, 玩到興起踼左個紙波波去雪櫃底, 我煮緊野費事又攪佢d野要洗手, 咪冇理佢囉, 點知佢又好似bb仔咁嗚嗚叫, 慘bu慘bu.... (下圖)

好彩救星返到喇, leo爸爸返到黎, 好型咁幫佢"new"左個紙波波出黎, GeeBu又好開心咁繼續玩... 其間個波波碌左落雪櫃底不下5次, 又慘叫要人幫佢執...

我地食野既時候, GeeBu又訓左, 訓到一pat咁, 有相為証架!!

不過呢晚發生左件曳事, GeeBu偷飲人地d沖涼水, 即刻鬧佢, 佢之後忽然暴走!!! 成屋飛, 成屋抓, 仲想咬我!!! 又俾人鬧到飛起... 暴走維持5分鐘, 又忽然平靜落黎, 好似平時咁, 跟出跟入. 唔通飲左兩啖沖涼水, 會high左既?!

不過呢晚都有好事發生, 我地發現GeeBu真係識sit架!!! 只要執起佢個紙波波, 俾佢見到, 大叫一聲"sit"! 佢就會乖乖坐低, 如果太溫柔咁叫呢, 佢就會恃熟賣熟咁, 係咁o係隻腳度"high"黎"high"去.

其實d人成日覺得d貓冇乜性, 又冇狗咁乖, 但係如果有耐性教佢, 應該都教到佢架... 慢慢再教佢多d tricks, 要聽話d, 做隻好家教既貓子.

-------------------------------------------------------------------------------------

p.s. 我地o係塊田度同阿伯買左梳蕉, 點知有兩條係孖埋一齊架喎!!! leo爸爸諗住同梳蕉影相啦, 隻八掛婆又走埋去八掛一番..

第二天

年初三, 朝早九點半....

"meow..."
"meeeeeooooow"
"meeeeeeeeeeeoooooooow......weowwwwwwww"
"喵喵.... weooooooooooooooooorrrr.... wooooooooerrrrrr"
(如事者, 過左15分鐘)

(抓抓抓抓......)




我, 起身, 開門...
GeeBu有少少驚, 後退左幾步...
咁人地長頭髮, 起身個樣係咁架啦....

其實成晚都唔係訓得好好, 一路都擔心隻GeeBu o係房外點樣.

俾左d野GeeBu食, 嘩...... 食到佢丫....

同GeeBu玩左條雞毛掃一陣, 佢似乎諗起爸爸, 又走過去房門, 係咁"where"係咁叫....

leo爸爸都起身喇!!! 今次到爸爸同佢玩... 我就寫blog... heee

過左一陣GeeBu又去厠所, 唔知今次會唔會開大呢....

.........沙沙沙... 沙沙沙..... 沙沙沙沙沙沙......
......................沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙....

GeeBu走返出黎, 個樣好似有d唔自在咁.... 咩事呢....

行多兩步.... 嘩!!! fling左粒屎出黎?!?!?!??!?! 仲fling左落厠所門前塊布度（塊布用黎過一過佢腳下ｄ沙). GeeBu即刻走返過去, 係咁"勃"塊布......想"come"住粒屎...

我大叫左出黎, leo爸爸就好冷靜咁執起塊布, 掉左粒屎, 清返乾淨佢... 仲幫佢剷屎tim!

點解d書同forum冇提過d貓會fling屎既?!??!?!?!?!?!?

-----------------------------------------------------------------------------------
下午兩點, 我同leo爸爸落去食野, 第一次留低GeeBu一個o係屋企...

返到屋企, GeeBu訓緊... 我地做左陣自已野, 4點, 換衫去跑步!!!
跑到去沙灘, 日落好靚呀!!!!
-----------------------------------------------------------------------------------
6點返到黎, 成間屋一粒聲都冇... GeeBu呢?!?!?!?! 即刻睇下d窗, 冇事丫.... 明明有晒蚊網架喎.... 原來佢仲訓緊......















-----------------------------------------------------------------------------------

食過飯, 我o係sofa訓著左... 訓訓下有野用腳不停踏我... 原來係GeeBu... 本來佢o係我頭上訓緊架bo, 點知走左上我身上訓... 仲伸個鼻掂掂我個臉tim!!!





人地話貓貓有時會腳踏踏, 係模仿bb o係貓媽媽身上飲奶既動作, 好得意喎...
點知... 十秒都冇, 佢拎轉個身, 雙腳一"登", 我聞到陣臭味....

人地好似冇話bb會拎轉放d咁臭既屁俾媽媽聞架喎....
真係好臭呀.... 嗚....

-----------------------------------------------------------------------------------
晚上, 我地入房訓, GeeBu o係門口叫了幾聲, 自己都走去訓lu....