Geebu的信心課程

geebu:"大家好, 我係geebu呀. 最近我開始上媽媽為我而設既'信心課程'. 我覺得上完之後, 成隻貓都有返晒信心. 心理質素提高左好多. 我好似... 好似成隻貓唔同晒咁!! 一出課室我既小宇宙就爆發. 原來bujil都唔係好好打啫!"



geebu:"講到尾, 最緊要你對自己有信心!!! 有信心既話, 單靠眼神就可以將對手嚇退!! 當然, 如果有我咁大對眼, 會更加好. "



geebu:"媽媽每日都同我上信心課程, o係課堂上我只需要'high'下媽媽個身, 咁就會吸左d信心過黎! 而且媽媽叫我唔洗怕bujil. 因為佢只係隻小鬼, 點似得我行左成貓禮既大貓咁."



bujil:"姐姐, 我要坐你個位"
geebu:"我唔俾. 你蝦我唔到我話你聽!"

mami按:
自從bujil黎左後, geebu真係好似冇乜信心咁. 一黎bujil比較百厭同熱情, 但係geebu又比較驚青, 成日都讓晒佢, 好似驚左佢咁. 見到都心痛. 所以每晚就o係房度單對單咁陪下geebu, 佢就會好開心咁"high"下你, 係咁叫你, 咕嚕咕嚕咁. 而且平時唔俾佢地入房, geebu有得入去佢好似覺得好威咁. 一出返黎就好似食左大力菜, 就算bujil聊交打geebu都唔會再逃走, 打過就打過, 仲場場win tim! 但係佢d信心好似真係會用盡咁, 到咁上下就又dup晒頭, lay埋. 所以晚晚都要上信心課程, 上左一排, geebu真係好似開心左咁. 起碼會叫下人, 要人留意佢同摸佢. 早排真係好似自閉妹咁, 叫佢又唔應, 擔心死人喇.


信心課程 - geebu勁enjoy