媽咪煮野食!

一向以為買天然糧俾bb們食就已經夠晒啦.

點知, 上次同geebu打針時, dr. maggie話geebu d毛有少少油, 提議佢食少少補品 (深海魚油).

o個時我開始諗... "吓... 乜食乾乾+一星期一次濕糧(即係"金裝嚴選吞那魚") 咁都唔夠??"

咁就開始睇下有關貓貓營養食譜啦...
咁就買左蘇菁菁本"貓貓食得天然"睇下啦....
oh, 原來貓貓唔應該食咁多吞那魚, 同埋一味淨食同一隻乾糧未必夠架...

老實講, 書中既recipe唔太多, 有d內容又多次repeat. 不過, 的確提醒左我, 要認真d考慮下佢地飲食既營養. 入面有好多有用既資料做reference. 書中話呢, 貓貓多數都會喜歡半熟既蛋黃.

今日放工返黎, 決定整個好簡單既小餐俾baby們 - 溏心蛋+羊肉乾

serving: 2
材料: organic羊肉乾 5-6 小片(meet到勁碎)
溏心蛋(不過整左出黎唔係好溏心)

mix 埋一齊! 攪掂!

完成圖!!!
最右o個bowl係我食架. baby食蛋黃, 我食蛋白(geebu按:因為媽咪好鍾意食蛋白但係唔食蛋黃)!!

整既過程中, bujil監工由頭睇到實.

試食時間, geebu一個箭步, 食呀食. bujil就企埋一邊淨睇(bujil淨係對can food有興趣, 對新鮮食物有d保留).

點知呢, 佢見geebu食得咁開心, 佢又要試下喎 (佢真係淨係食geebu食過o個bowl). 最後bujil都好鍾意食呀. 雖然都食唔晒, 但係都好俾面食左好多.


睇住佢地食, 我好開心呀!!!!! o個一刻, 我終於明白d阿媽點解咁enjoy睇住仔女食自已煮既野.