搬入南丫島前, 本來打算養隻小狗. 名字都諗好, 就是"bujil". (咩係"bu蕉"呢...? 即係呢... 好似細路仔玩飛機放飛彈時會大叫"bu..... 蕉woooooooooooo" o個個聲... 但係同我既印度同事pallavi傾起, 發現bujil o係hindu入面係指 "小狗的尾巴"!!!! 嘩, 係咪好西利呢!!)
不過, 後來research過後, 發現自己不大適合養狗. 後來半年後, 領養了小geebu. 其實geebu 的名就是"bu蕉"倒轉.
有時見到geebu成日一個貓, 好似有d孤獨, 所以就打算領養多一隻貓貓陪佢喇.. 跟住就開始留意..
有一日, geebu dady既同事send左個貓貓待領既url俾佢睇, mami一睇.... "嘩!!! 呢隻貓貓.... 真係不得了呀!! 佢係令人一見就會開心到笑晒出黎...." 即刻就鍾意左小貓b.
同貓b 既 foster email過後, 再等左一個月, 貓b足兩個月, 我地終於去左探貓b喇!!! 好多謝foster 姐姐放心交小貓俾我地.
星期六, 我地同小貓返左屋企. 同leo爸爸傾左幾個名, 決定用返bujil呢個名. 希望佢同geebu會做對好姐妹啦.
由o係車度, 到ferry上, 到行返屋企. bujil都係咁叫...
返到屋企, geebu有d驚呀.... 因為bujil係咁叫, 又係咁抓貓袋, 嚇到geebu係咁hee佢... 我地借左個貓籠返黎, 裝修左個temp既安樂窩俾bujil. bujil好似好唔鐘意被困住, 係咁叫.
geebu係大姐姐喎, 梗係要發下威, hee佢又wu佢. 我同daddy都好緊張呀... bujil俾姐姐"空"左幾聲後, 就靜返落黎, 以為佢驚啦, 點知佢係訓左覺!!!!
geebu成晚都好唔安樂咁, 又驚, 又要"空"佢, 我地就破例俾geebu入房訓覺, 希望佢安心d...
第二日, geebu都唔係好願出廰, 好在佢都食得屙得, o係房都玩左一陣... 不過似乎有少少呷醋. 下午落去食飯時, 同lawc 既義工傾過下, 咁樣都係正常既....... 唔洗太擔心, hkcats 既貓友都有好多topic講新舊貓相處既方法, 如果唔係打得好勁, 都冇乜事既...
bujil都係膽大包天, 今日放左佢出黎行下, leo爸爸就同geebu o係房入面玩, 佢好開心咁走黎走去, 又跟住我行黎行去, 好似隻狗咁, 叫下佢佢又邊走邊跳咁走過黎... 我諗我地冇改錯名...
佢仲好大胆咁食晒姐姐d 魚, geebu可能心情麻麻地, 食左大半魚魚就冇食喇... 點知俾bujil清埋!!!
希望geebu 同bujil快d成為好朋友啦.....
小小題外話: 各位朋友, 如果想養貓貓既話, 除左要有心理準備照顧佢地一世外, 屋企既準備都好緊要架, 屋企既危險品要收好, 仲要裝window網, 貓貓唔係真係有九條命架. 如果真係因為自己既一時疏忽令到貓貓死左, 咁到時就太遲喇....
No comments:
Post a Comment